الغشوه أو البرقع أو النقاب أو الوجه..العباه مفتوحه أو مسكره ..

[غلا شمل]

السلام عليكم ورحمة الله وبركاته

مابين الحداثه والماضي القديم .. مابين الحديث والعادات والتقاليد .. مابين الموضه وعصر الاجداد

اين نكون نحن الأن .. ماذا نريد .. ماهي رغباتنا .. كيف نتمنى أن نكون ولماذا نريد ان نكون هكذا

هل لأرضاء انفسنا ؟؟ او لجلب اعجاب الاخرين ولفت الأنتباه ؟؟


الفتاة .. ماذا تفضل .. الغشوه أو البرقع أو النقاب أو الوجه..العباه مفتوحه أو مسكره .. سؤالين نريد الجواب عليها وذكر اسباب الأختيار مع الحوار الصريح دون المجاملات او الخوف من ردود الغير .. نحن نفتخر بأنفسنا مهما كانت حالتنا ولهذا ادعو الجميع للصراحه


بخصوص الرجال اوجه لهم نفس السؤال ولكن بصيغه أخرى ..

كيف تفضلون البنت ؟؟

بالغشوه أو البرقع أو النقاب أو الوجه..العباه مفتوحه أو مسكره .. مع ذكر السبب
م.ن

[الكوش]

بصراحه انا افضل البنت المتحشمه واللي تلبس عبايه مسكره وتلبس نقاب لانها تجبر الواحد انه يحترمها وعن خاطر بعد وحد لو حصل حد يتحرش فيها يضر على انه يدافع عنها

وعن اللي تلبس عبايه مفتوحه وتخلي الناس يشوفوا الجنز على شو الدلع والناس بالاخر ترمس عند وخاصه اللي يعرفج مثلا من الشباب والحريم شوفوا بنت فلان وخاصه عاد اللي اهلها كانوا ينتقدوا البنات اللي يلبسن ها الشي وبناتهن الحين يلبسن شراتهن الشاب شو يبغي منج غير انه يضيع وقته وياج

اللهم استر خواتنا المسلمات اجمعين

والسموحه

الكوش

[غلا شمل]

الكوش تسلم ايدك ع الرد الطيب ومثل ماقلت الله يستر ع خواتنا المسلمات..يعطيك العافية وماقصرت ..

[~{هآجـ‘ـس الشـ‘ـوق ]|<~]

ْ~|> :: .. تسلمين اختي غلا شمل ع الموضووع ...~


>> بالنسبه لي انا افضل الغشوهـ والوجهـ لكن في حالات .. الغشوه في الاماكن الي احس فيها زحمه شبااااااااااب .. لكن الاماكن الي احس مافيها زحمه ما احط الغشوهـ ...~

وبالنسبه للعبي ْ> فأنا أفضل العباهـ المسكرهـ لانها استر من المفتوحهـ والاسلاميهـ ...~

~> وكل واحد له وجه نظر ..~

.. تقبلي مروري ..

[غلا شمل]

تسلمين ع المرور فديتج ويعطيج الف عافية..

[روح الغلا كله]

ما شاء الله بديتوا عني ,,,

عني أنا كبنت في مجتمعي ...

العباءة المسكر وااااااايد اريح واستر ,,, و والغشايه استخدمها أكثر .. وأحيانا بدون دامني محترمه حتى وأنا كاشفه ويهي غصب عن اللي ما يرضى بيحترمني دامني ظاهره من بيت هليه مأدبه ومحتشمه بفرض احتراكي على الجميع ,,

وياما نصحوني ربعي على النقاب بصرآحه شفت حتى لو البنت منقبه يتحرشون فيها وأنا البنت اللي مب متنقبه امشي ورافعه راسي لفوووق والحمدلله ..


وهذي وجهة نظري ...

[حرف القصيد]

السلام عليكم ورحمة الله وبركاته

اولا شكري موصول لصاحبة الموضوع الاخت الفاضله غلا شمل ...

و إن كان كل منكم أدلى بدلوه ... وافضى ما لديه من آراء ...

فأنا أرى ان الاسلام أمرنا ان نحافظ على بناتنا ونسائنا .... وهذا لا مناص منه ...

فالاحتشام يبدأ بالاخلاق .... وان كانت الاخلاق ليست المقصوده في موضوعنا ..

ولكن هل من لبست عباءه مفتوحه .. نصفها بعديمة الخلق والحياء ... بالطبع لا ..

ولكني لا احبذ العباءة المفتوحه ولكن العباءه الاسلاميه افضل من المفتوحه ..

بشرط ان تكون واسعه .... والعباءه ( المسكره ) الافضل وبكل تأكيد ...

اما بالنسبة للوجه ... فالكل يعلم ان المذهب المالكي استحب غطاء الوجه ...

فها نحن اليوم نرى ان كثير من الداعيات الاسلاميات ... لا يغطون اوجههن ...

ومنهن من هن بنات لشيوخ كبار أحبهم قلبنا ....

لذلك ..انا ارى ان عدم تغطية الوجه لا مانع فيه ... ولكن اذا ما اراد الرجل من زوجته ان تغطي وجهها ... فيجب عليها ان تسمع كلامه ....

ولكن ان كانت الفتاة جميله ... فخوفا من الفتنه فعليها ان تغطي وجهها ...

هذا ما اراه ...

ومني لكم اجمل تحيه :)

حرف القصيد

[منــ الخاطر ــية]

بسم الله الرحمن الرحيم

اشكر صاحبه الموضوع على الموضوع الحلو والقابل للنقاش مابين الطرفين
واشكرج الصراحة على شجاعتج للطرح لان الموضوع يخص البنات ويمكن تلاقين الانتقادات من الطرف الثاني

الغشوه..البرقع..العباه..امور تخص الفتاه بشكل عام سواء قبل الزواج او بعده
ولها الف رأي ورأي منطلق من قبل المشايخ والجنسين (البنت والولد) ولا نعرف لاي حكم نلجأ او لاي شخص يتكل

ولكـــــــــن... في هذا الزمن فانا ارى ان البنت ستظل ملاحقة وستظل وسيله جذب للانظار سواء بالغشوه او البرقع او بدونه.. ويندرج ايضا لبسها للعباه المفتوحه او المسكره او الاسلاميه

فما اراه ان الفتاه ستبقى محتشمه اذا عرفت ربها ومشت في الطريق السليم.. حتى لو لم تتغشى او تلبس البرقع لتخفي ملامح وجهها .. فان الاعين ستغض اذا مشت في طريقها ليس لها بهذا وهذاك.. مشت واضعة ربها امام عينيها .. لا تكتسي شي ملفت للانظار

اكيد الكل بيقول اللي تتغشى واللي تلبس عباه مسكره هي الزينه وهي المحتشمه وهي اللي تخاف ربها .. والبنات الثانيات ما يخافن ربهن وفيهن وفيهن وفيهن

بس هالشي غلط... وايد بنات ناخذ عنهن فكره بس اذا عاشرناهم نعرف عنهم العكس..وايد بنات يخفون الكثير والكثير وما يشيب الرأس منه تحت هذه الغشوه وهذه العباءة المسكره ...

لن اقول الكثير ولن اقول المزيد .. ولكني اسأل الله الستر لنا في الدنيا والاخره

سلمت الانامل وسلم كل من رد على هذا الموضوع

[أثر منسي]

تسلمين اختي عالموضوع الجمييييييييل

انا طبعا افضل العباه المسكرة لانها استر واحشم واسهل وافضل العشوة،،، ومافيها شي اذا البنت ماتغشت او مالبست نقاب فحاله كانت غير متبرجه وشكلها غير ملفت للانتباه ...

[[ شُمُوخِيْ تَعَدآڪْ ~*]

بالنسبة لي..

ف كل الحالات الويه لازم يتغطى.."عدا ف اماكن الدراسة لانها غير مختلطة ويادوب الدكاترة يشرحون ويظهرون "

احيانا بطرف الشيلة..واحيانا بالغشوة العودة..او اللي نسميها "البوشية"..

العبي..

مرات مفتوحة ان كنت لابسة مخورة او تنورة..ومرات مسكرة ان لابسة جنز او بنطلون او بجامة.."تستوي حالات نستعيل ونلبس اي شي تخت العباة"..

والسموووحة..~

[غلا شمل]

تسلموون ع المرور الطيب..ويعطيكم الف عافية..

[sнαi60иαт яαk]

~ [ الفتاة .. ماذا تفضل .. الغشوه أو البرقع أو النقاب أو الوجه..العباه مفتوحه أو مسكره ] ~

أولا : تســلمين خيــتؤؤ ع الـــطرح ..

ثـــانيآ : أنــا برمــس عن عــمري بكــل صــرااحهـ ..

امم .. صح انا عمــري ( 16 ) تقـريبا .. لكنـ العمــر ما يفــرض عــلي انــي أتغــشى أو اتنقـــب ..

وبــعدين يعني الجمال ما يخصـه بعد .. :P } شو خليت عــيل !!

يعني انا حــلوة وما اتنقب ولا اتغــشآ > مدااح نفــسه .. يبااله .............. خخخخ :icon-1 (79):

امم .. يعني الخــلاصه ,, انا ما اتغشا ولا اتنقب .. اهــم شي اني اتحجب .. وما اطلع قصه ولا خرابيط ..

ويوووووووووم بـعرس هـآييج الساعه بفــكر :P

و الــسؤال الــثانــي .. هع

امم .. انا عن نفــسي .. > اكييد عيل برمس عن غـيري .. > ادري سخـيفه :icon-1 (90):

المهم .. البــس أحيــآنا عـبي مفــتوحهـ .. واحيانا نص ونص .. :P > يعني الاســلاميه أو الي هي على يمب ..

طبـعا ع حســب المكان الــي بسيــر له . .

يعني لو بيت حد من الاهل او الربع لازم بكشخ وبتكون العباه مفتوحه .. هآع

اما اذا السوق .. > اذا كنت مستعيله بلبس العباه الي على يمب ..


لانــه عن نفــسي ما عــندي عــبي مســكره ( للــآن يعني ) >> . <<

بــس أمــس فصــلتلي عباتين مسـكرات بس بعدهن ما خلــصن .. هييع > علشان محد يتحرطم عليي + لمصــلحتي الشـخصيه .. خخ


وبــــس ...

ها اليـــ انا اجووفه .. ومحد يقوول عنــي شي ,, واعتقد اني ما غــلطت ف شــي !!

ولا انتـــووا شو راايكـــــــــــــم ؟؟

[غلا شمل]

ماغلطتي بشي فديتج..وتسلمين ع المرور ..ويعطيج الف عافية ..

[$ سمو فزاع الشميلي $]

تسلمين على الموضوع انا الصراحه اولا اوافق كلام روح الغلا كله يوم قالت حتى المنقبه ماتسلم كلامج صحيح لاني انا شخصيا اشوف واسمع الشباب يوم يرقمون حتى المنقبات وبالنسبه لسؤال الاخت البنت اذا كانت منقبه او اي نوع من الحالات اللي ذكرتيها مثل ماقالت روح الغلا كله اذا ماتغشت وهي الحمد الله عارفه نفسها ومحترمه خلاص بس الصراحه انا افضل انها تكون متغشيه المهم تتغشى عاد هي نقاب او ترفع لغشاه بكيفها وبالنسبه للعباة المفتوحه انا شارط حق اهلي اذا بحصل بنت الحلال مابغيها من قوم العباه المفتوحه والشعر برع وبناطلين مرفوض عندي وعند الاهل وسلمتي على الموضوع الملفت والمنبه للغير

[غلا شمل]

تسلم والله ع الرد الغاوي خيووو..ويعطيك الف عافية ولا تحرمنا من ردودك الحلوة ..

[بـومـلأإآكـ]

السلام عليكم و رحمه الله و بركاته


تسلمين خيتو ع الموضوووع الجميييل و الي عيبني صراحت(ن)

انا الصراحه احب البنت الي تستر عمرها من بدايه راسها لين اسفل كعبها

احب البنت الي تلبس العباه المسكره و النقاااب ... لانها تجبر الكل ع احترامها

تحياتي

بوملاكـ

[[[ مخـاو نفسي يـــهـ ][]

والله موضوع جدا جميل .. واشكرج اختي عليه

وعن نفسي انا افضل العبايه المسكره .. بس اذا كنت فمكان في زحمه اتغشى ..
بس انا بنظري اهم شي ما اظهر من شعري ومن ها القبيل لانه اهو اللي يلفت الانتباهـ ..

والله يستر علينا اجمعين .. ويسلموووو

[ام وليد]

عن نفسي

الغشوووه والبس العبايه ع الراااس واااسعه ومسكره

وهذا شيء احس فخر لي طوول عمري

مشكووره ع الموضوع دمت بو

[قلـــــ شمل ـــــب]

السلام عليكم ورحمة الله وبركاته

اما بعد

اول شي اشكرج اختي على طرحج على ها الموضوع الجميل

ثاني شي انا افضل البنت المحتشمه والرزينه الي تلبس النقاب وتكون عباتها مسكره ومب بس جي وتكون بدون زركشات وحركات عليها لانها بجيي بتلفت نظر الجميع وها الشي الي ااناا انقهر منه وتضايج ومادانيه بعييشت الله

وفي بعض البنات مايحبون يلبسون الغشوه يقولون انها ماتخليهم يشوفون عدل اوك انزين البسو نقاب بيقولون مانقدر نتنفس منه عيل شو تبون تسوون ويوم حد بيطالعم بيسبون وبيسوون سوالف انزين ليش كل هذا

والبنت هي الي بتخلي الواحد يحترمها وهي الي بتخليه يتحرش فيهاا

يعني في بعضهم اوك مايحطون غشوه ولا يلبسون نقاب ويكونون كاشفين عن وجوهم بس بطريقتهم وبطريقت لبسهم يخلون الواحد يحترمهم

وفي بعضهم عفان الله مايخلون شي مايسونهم واذا حد قالهم شي سوو له سالفه وقصص انتو يعني لو ماتبون حد يسويي فيكم شي احتشموو ومحد بيمر صوبكم ولابيقولكم اي كلمه

والسموحه اذا انا طلعت عن محور الحديث بس ها الشي الي كنت ابا اقوله

بس مثل ماقلت انا افضل البنت الي تكون منقبه وعبايتها تكون مسكره وبعيده عن الاشيا الي تلفت النظر

والسموحه مره ثانيه

ولاتحرمينا اختي من جديدج

تقبلي مروري بصدر رحب

[تربوي]

الحمد لله رب العالمين والصلاة والسلام على نبيه الأمين
الموضوع جدا مهم على الساحة الاجتماعية فهو يناقش مابين الستر الداخلي والخارجي للمرأة لكن غالبا مايعبر السلوك الخارجي ماهو سلوك داخلي وأحيانا لاينطبق في كثير من الحالات لكن نظن بنسائنا خيرا
لكن التساهل الفضيع من قبل بعض بناتنا هداهن الله في إظهار مفاتهن على الرجل الأجنبي كإظهار قصة الشعر أو عمل مكياج لإظهاره للغريب أو المبالغة بالكحل حتى وإن كانت منقبة فالعين فتنة
الأمر يكمن في الهدف والطريقة من ظهور المرأة من بيتها
وهذا يعني أنه يجب أن يكون للإنسان هدف من خروجه من بيته وإن كان للمتعة فيجب أن يتخذ طريق صحيح لا اعوجاج فيه لأن الله محاسبه عن الوقت الذي أهدره
المرأة والرجل محاسبين في تصرفاتهم سواء

[شاعر المشاعر]

بسم الله الرحمن الرحيم

من ملاحظتي للردود بشكل عام و بالأغلبية من الطرفين

* الكل يتكلم عن فكرة واحده جوهيرة و هي حشمة المرأة


مثلا : لباسها للعباية المسكرة أكثر حشمة و لباسها للغشوة او النقاب ايضا فيه حشمة للبنت

و أنا متفق معاكم مية بالمية فكل اللي قلتوه

*** و لكن

مع معطيات الجيل اليديد أتوقع أن هالمعيار ليس هو الحد الفاصل بين الحشمة و الغير حشمة

يعني مب صعبة على البنت أنها تتنقب و تلبس عباية مسكره و كل شي زين

بس لو دخلت غرفة نومها و جابلة الكمبيوتر أختلف كل شي

*** الفكرة اللي بغيت أوصلها للجميع و لخواتي بالذات :

مراقبة الظمير .... الحشمة الداخلية قبل الحشمة الخارجية .... الوازع الديني

.........................

بالنسبة لرأيي عن البنت و شو تلبس ؟

تكون ساترة على عمرها و ما تظهر شي من مفاتنها

اما بالنسبة للغشوة او النقاب ( ليس بالضروره) و لكن الحجاب اللي بدون قذله ظروري

و أفضل العباة المسكرة مع الجنز و لو كانت لابسة لباس عرس او عيد ( مثلا ثوب او مخور او فستان .... ترى المفتوحه اريح بوايد لهم)

........................

و فالاخير محد يحكم البنت غير تربيتها و تعامل اهلها معاها

و محد يقدر يغير من اطباعها الا اذا هي مقتنعه بها الشي

....................

شاكر لج اختي غلا شمل عالموضوع

[ρŨřξ ľOvĕ]

أنا بـ صراحة الشي الوحيد اللي ممكن أرضى به ( الغشوة ) بسسسسس .. !!

وعادي عندي البنت تظهر ويهها لأني من هـ النووع .. كح كح .. وااايه فديتني .. :icon-1 (44): ..


أما عن العبي عباة مسكرة أو مفتوحة عاادي عندي لأن ثنتيناتهم يسترون .. ولا وحدة فيهم ماتستر البينة .. !!


أما النقاب مستحيييييييييييل أررضى به .. ">< .. والبرقع عااادي من زمااان الحريم يلبسونه .. ^^



Any Ways يسلمووو ع الموضوع .. ونتريا اليديد من صوبج

[دلوع وصلاوي]

شكرا غلاا شمل

على الموضوع

صراحه موضوع مميز

[همسـة شحوح]

عني انا



عبايه مسكرررره استرر


البس غشووووه مكااان اللي يكووون زحمممه